ఎంతో సుందరుడమ్మ తానునేనెంతో మురిసిపోయినాను

ఎంతో సుందరుడమ్మ తాను

నేనెంతో మురిసిపోయినాను (2)   ||ఎంతో||

దవళ వర్ణుడు రత్న వర్ణుడు నా ప్రియుడు

అవని పదివేలందు అతి శ్రేష్ఠుడాతండు (2)

ఎవరు ఆయన కిలలో 

సమరూప పురుషుండు (2)

అవలీలగా నతని గుర్తింపగలనమ్మా (2)                                                       ||ఎంతో||

కురులు నొక్కులు కల్గి 

స్ఫుర ద్రుపి అగు విభుడు (2)

మరులు మనసున నింపు మహనీయుడాతండు (2)

సిరులు కురిపించెను 

పరలోక తనయుండు (2)

విరబూయు పరలోక షారోను విరజాజి (2)                                                  ||ఎంతో||

పాలతో కడిగిన నయనాలు కలవాడు

విలువగు రతనాల వలె పొదిగిన కనులు(2)

కలుషము కడిగిన కమలాల కనుదోయి (2)

విలువైన చూపొసగె 

వరమేరి తనయుండు (2)         ||ఎంతో||

అతడతికాంక్షానీయుండు తనయుండు

అతడే నా ప్రియుడు అతడే నా హితుడు(2)

ఆతని నొరతి మధురంబు మధురంబు (2)

ఆతని పలు వరుస ముత్యాల సరి వరుస (2)         ||ఎంతో||