ఎనలేని ప్రేమ నాపైన చూపినీ వారసునిగ చేసినావు

ఎనలేని ప్రేమ నాపైన చూపి

నీ వారసునిగ చేసినావు (2)

నీ ప్రేమ నేను చాటెదన్

నా సర్వం నీవే యేసయ్యా (2)

నా శిక్షకు ప్రతిగా – ప్రాణము పెట్టిన దేవా

నీ సత్య మార్గములో – నను నడిపిన ప్రభువా (2)

నీ కృప చేత రక్షించినావే

నీ ఋణము నే తీర్చగలనా (2) ||ఎనలేని||

తండ్రి లేని నాకు – పరమ తండ్రివి నీవై

ఒంటరినైయున్న నాతో – నేనున్నానని అన్నావు (2)

కన్నీరు తుడచి నన్నాదరించిన

ఆ జాలి నే మరువగలనా (2) ||ఎనలేని||