ఏమివ్వగలనయ్య నా యేసయ్యానీవు చేసిన మేలులకై

ఏమివ్వగలనయ్య నా యేసయ్యా

నీవు చేసిన మేలులకై (2)

నిన్ను గూర్చి లోకమంత చాటనా

ఊపిరి ఉన్నంత వరకు పాడనా (2)         ||ఏమివ్వగలనయ్య||

1. గురి లేని నా జీవిత పయనంలో

దరి చేరి నిలచిన నా దేవుడవు

మతి లేక తిరుగుతున్న నన్ను

శృతి చేసి నిలిపిన నా దేవుడవు

ఎందుకింత నాపైన ఈ ప్రేమ

వర్ణింపలేను నా యేసయ్యా (2)         ||నిన్ను గూర్చి||

2. ఈ లోకంలో నాకు ఎన్ని ఉన్ననూ

నీవు లేని జీవితం వ్యర్థమేనయ్యా

నీ సాక్షిగా ఇలలో బ్రతికేదన్నయ్యా

నీ చిత్తము నాలో నెరవేర్చుము దేవా

ఏమిచ్చి నీ ఋణం తీర్చెదనయ్యా

నీ పాత్రగా నన్ను మలచినందుకు (2)         ||నిన్ను గూర్చి||